கார்த்திகை மாத அனுஷத்தில் “ஶ்ரீமாங்கல்ய தான கைங்கர்யம்”.
ஸ்ரீமஹாபெரியவா அனுக்கிரகத்துடன் ஒவ்வொரு மாதமும் அனுஷதன்று ஏழை பெண்களின் திருமணத்திற்கு ஸ்ரீமாங்கல்ய தானம் கைங்கர்யம் செய்து வருகிறோம்.
இந்த கார்த்திகை மாத அனுஷத்தில் 12.12.2023 ஸ்ரீமஹாபெரியவா அனுக்கிரத்துடன் 2 பெண்களின் விவாஹத்திற்கு வழங்கினோம்.
கார்த்திகை / டிசம்பர் மாதம் 12.12.2023 காஞ்சிபுரம் ஸ்ரீமடம் அதிஷ்டானத்தில் ஸ்ரீஸ்ரீமஹாபெரியவா ஸ்ரீசந்திரசேகரேந்திர சரஸ்வதி, ஸ்ரீஜெயேந்திர சரஸ்வதி அனுக்கிரத்துடனும் ஸ்ரீஸ்ரீ சங்கரவிஜயேந்திர சரஸ்வதி-பால பெரியவா ஆசிர்வாதத்துடன் வழங்கினோம்.
கார்த்திகை மாதம் ஸ்ரீமாங்கல்ய கைங்கர்யத்தை பக்தி சிரத்தையுடன் ஆத்மார்த்தமாக வழங்கியவர்கள்.
1) சென்னையில் இருக்கும் சிதம்பரம் மகள் கல்யாணி – சுரேந்திரன் குடும்பத்தினர் -to- கோவில்பட்டி ஆலய அர்ச்சகராக சேதுராமன்- ஜெயஸ்ரீ அவர்களின் மகள் பூர்ணிமா திருமணத்திற்கு வழங்கினார்கள்.
2)சென்னையில் தற்போது – USA யில் இருக்கும் பத்ரி குடும்பத்தினர் -to- செங்கல்பட்டு சுந்தரராமன்- கீதா அவர்களின் மகள் மதுமிதா திருமணத்திற்கு வழங்கினார்கள்.
ஸ்ரீரங்கத்து மாலை கைங்கர்யம், ஸ்ரீகாமாட்சி அம்பாள் அபிஷேகமும்
ஸ்ரீபாலபெரியவா ஸ்ரீசங்கரவிஜயேந்திர சரஸ்வதி ஸ்வாமிகள் ஆக்னைபடி : நமது நித்தியமும் கைங்கர்யம் சார்பாக ஒவ்வொரு மாத அனுஷதன்றும் காஞ்சிபுரம் ஸ்ரீமடம் ஸ்ரீமஹாபெரியவா & புதுபெரியவா அதிஷ்டானத்திற்கும் காமாட்சி அம்பாளுக்கும் திருச்சி ஸ்ரீரங்கத்தில் இருந்து பூமாலை கடந்த இரண்டு வருடமாக அனுப்பி வருகிறோம்.
ஸ்ரீகாமாட்சி அம்மனின் அனுக்கிரகமாக மாத மாதம் ஒவ்வொரு அனுஷதன்றும் நம் நித்தியமும் கைங்கர்யம் சார்பாக ஏற்பாடு செய்து ஸ்ரீமாங்கல்யம் கைங்கர்யம் செய்வர்கள் அமர்ந்து சங்கல்பம் செய்து ஸ்ரீகாமாட்சி அம்மனுக்கு அபிஷேகம் நடைபெற்று அம்பாள் பிரசாதமும் வழங்கப்படும்.
எந்த தர்ம காரியங்களும் தெய்வத்தின் அனுக்கிரகம் இல்லாமல் நடைபெறவே இராது..அது போல் இது போன்ற ஸ்ரீமாங்கல்ய கைங்கர்யம். என்ற பெரும் பாக்கியத்தை அதுவும் அவரது பாதங்களில் சமர்ப்பித்து அவருக்கு முன்னால் செய்திடும் பாக்கியம் எல்லாம் ஸ்ரீமஹாபெரியவா அனுக்கிரகம் இல்லாமல் நடைபெறுமா ஆகவே அவரது அனுக்கிரகம் என்றும் அவர்களுக்கு பூர்ணமாக இருக்கும்..
ஸ்ரீமாங்கல்யம் கைங்கர்யம் செய்திடும் பக்தர்களுக்கு ஸ்ரீமஹாபெரியவா விக்ரகம் பெரியவா அதிஷ்டானத்தில் வைத்து நேரடியாக அவர்களே வழங்கப்பட்டது.
ஸ்ரீமஹாபெரியவா சிலாரூபமாக அவர்களது இல்லத்திற்கு அனுதினமும் அனுக்கிரகம் செய்திட அவர்களுடனே செல்கிறார் என்பதும் பாக்கியமே..
ஸ்ரீமஹாபெரியவா பாதமே சரணம்.

