Sri Maha Periyava Jayanti

ஶ்ரீமஹாபெரியவா ஜெயந்தி

வைகாசி அனுஷம் – தர்மம், பக்தி மற்றும் கைங்கர்யம் மலரும் புனித நாள் ஶ்ரீமஹாபெரியவா அவர்களின் அனுக்கிரஹத்துடன், நித்தியமும் கைங்கர்யம் – ஶ்ரீமஹாபெரியவா நித்ய கைங்கர்யம் டிரஸ்ட் சார்பாக, வைகாசி அனுஷ நட்சத்திரத்தில், நித்திய பூஜை நடைபெற்று வரும் சிதிலமடைந்த மற்றும் ஆதரவு குறைந்த ஆலயங்களில் ஶ்ரீமஹாபெரியவா ஜெயந்தி மகோத்ஸவம் பக்தி சிறப்புடன் கொண்டாடப்படுகிறது.

வைகாசி மாதம் அனுஷ நட்சத்திரம் என்பது காஞ்சி காமகோடி பீடத்தின் 68-வது ஜகத்குருவான ஶ்ரீமஹாபெரியவா அவர்களின் அவதார தினம். இந்தியாவின் ஆன்மிக மறுமலர்ச்சிக்காக தம் வாழ்நாள் முழுவதையும் அர்ப்பணித்த மகான் அவர். வேதம், தர்மம், ஆலய வழிபாடு, கோசம்ரக்ஷணம், தெய்வபக்தி, குருபக்தி மற்றும் எளிமையான வாழ்க்கை ஆகியவற்றை உலகிற்கு வாழ்ந்து காட்டிய தெய்வீக குருநாதர். ஶ்ரீமஹாபெரியவா அவர்களின் ஜெயந்தியை சிறிய ஆலயங்களில் கொண்டாடுவதன் நோக்கம், ஒரு விழாவை நடத்துவது மட்டுமல்ல. அவர் வாழ்ந்த தர்மச் சிந்தனைகளையும், ஆலய வழிபாட்டின் மகத்துவத்தையும், இன்றைய தலைமுறைக்கு கொண்டு சேர்ப்பதே எங்கள் உயர்ந்த இலட்சியமாகும். பல சிறிய ஆலயங்களில் ஆண்டுதோறும் இத்தகைய ஆன்மிக நிகழ்ச்சிகள் நடைபெறாததால், பக்தர்களின் வருகையும் குறைந்து வருகிறது. அதனால், வைகாசி அனுஷ நாளில் நடைபெறும் நிகழ்ச்சிகள்: ● சிறப்பு அபிஷேகம் ● அர்ச்சனை ● வேத பாராயணம் ● மகாபெரியவா அருள்வாக்கு வாசிப்பு ● நாம சங்கீர்த்தனம் ● பிரசாத விநியோகம் இந்த நிகழ்ச்சிகள் மூலம் மக்கள் மீண்டும் ஆலயத்திற்கு வர வேண்டும் என்பதே நித்தியமும் கைங்கர்யம் இயக்கத்தின் நோக்கமாகும்.

இந்த ஜெயந்தி விழாவின் மூலம் குழந்தைகள், இளைஞர்கள் மற்றும் குடும்பத்தினர் ஶ்ரீமஹாபெரியவாவின் வாழ்க்கையையும், அவர் அருளிய தர்ம வழியையும் அறிகிறார்கள். ஆலயங்கள் மீண்டும் பக்தர்கள் நிறைந்த ஆன்மிக மையங்களாக மாறுகின்றன. ஒரு நாள் நடைபெறும் இந்த விழா, பலரது வாழ்வில் இறைநம்பிக்கையையும், குருபக்தியையும் விதைக்கிறது. இந்த கைங்கர்யத்தின் மூலம் ஆலய அர்ச்சகர்களுக்கும் பெரும் ஆதரவு கிடைக்கிறது. பக்தர்கள் அதிக அளவில் வருவதால் அர்ச்சனை, பூஜை மற்றும் காணிக்கைகள் அதிகரித்து, அவர்களின் வாழ்வாதாரத்திற்கு உதவியாக அமைகிறது. ஆலயம் வளரவண்டும், அர்ச்சகர் வளரவண்டும், பக்தி வளரவண்டும் என்ற எண்ணமே இந்த கைங்கர்யத்தின் அடிப்படை. நித்தியமும் கைங்கர்யம் இயக்கத்தின் கனவு, பெரிய திருத்தலங்களில் மட்டுமல்லாமல், ஒவ்வொரு கிராம ஆலயத்திலும் ஶ்ரீமஹாபெரியவா ஜெயந்தி சிறப்பாகக் கொண்டாடப்பட வேண்டும் என்பதாகும். அதன் மூலம் ஆலயங்களில் நித்திய பூஜை நிலைத்திருக்க வேண்டும்; மக்கள் இறைவழிபாட்டில் தொடர்ந்து ஈடுபட வேண்டும்; தர்மம் தலைமுறை தலைமுறையாக வாழ வேண்டும். இந்த புனித ஶ்ரீமஹாபெரியவா ஜெயந்தி கைங்கர்யத்தில் தங்களின் பங்களிப்பையும் இணைத்து, ஒரு ஆலயத்தில் பக்தியை வளர்க்கவும், ஒரு அர்ச்சகரின் வாழ்வில் நம்பிக்கையை விதைக்கவும், ஒரு கிராமத்தின் ஆன்மிக மறுமலர்ச்சிக்கு துணை நிற்கவும் அனைத்து பக்தர்களையும் அன்புடன் அழைக்கிறோம். “மகாபெரியவாவை நினைப்போம்… தர்மத்தை வாழ்வோம்… ஆலயங்களை உயிர்ப்பிப்போம்… பக்தியை தலைமுறைகளுக்கு எடுத்துச் செல்வோம்…” இதுவே நித்தியமும் கைங்கர்யம் – ஶ்ரீமஹாபெரியவா நித்ய கைங்கர்யம் டிரஸ்டின் உயர்ந்த இலட்சியம்.

ஜகத்குரு ஸ்ரீ சந்திரசேகரேந்திர சரஸ்வதி ஸ்வாமிகள் எனும் ஶ்ரீமஹாபெரியவா அவதரித்த திருநாள், ஆன்மிக உலகிற்கு ஒரு புனிதமான ஜயந்தி மஹோத்ஸவம். வேதம், தர்மம், பக்தி, ஆசாரம், பணிவு, பரோபகாரம் ஆகிய சனாதன நெறிகளைத் தமது வாழ்வால் உலகிற்கு உணர்த்திய மகான் ஶ்ரீமஹாபெரியவா. “வேதோ நித்யமதீயதாம்; ததுதிதம் கர்ம ஸ்வனுஷ்டீயதாம்” என்ற தர்மப் பாதையில் மக்கள் நிலைத்திருக்க வேண்டும் என்பதே அவருடைய திருவுள்ளத்தின் மையம். எளிமை, தியாகம், கருணை, அஹிம்சை, இறைநம்பிக்கை ஆகியவற்றை வாழ்வின் அடிப்படையாகக் கொண்டு, எண்ணற்ற உள்ளங்களில் பகவத் பக்தியையும், தர்ம சிந்தனையையும் மலரச் செய்தவர். அத்தகைய பரமாசார்யரின் திருவடிகளைப் போற்றி, “நித்தியமும் கைங்கர்யம்” சார்பாக ஒவ்வொரு ஆண்டும் ஶ்ரீமஹாபெரியவா ஜயந்தி விழா பக்தி சிரத்தையுடன் நடத்தப்படுகிறது

இவ்விழா வெறும் பிறந்தநாள் கொண்டாட்டம் அல்ல; குரு ஸ்மரணம், குரு பக்தி, தர்ம அனுஷ்டானம், சமுதாய சேவை ஆகியவற்றை அடுத்த தலைமுறைக்கு எடுத்துச் செல்லும் ஒரு புனிதப் பணியாகும். அன்றைய தினம் ஶ்ரீமஹாபெரியவாவின் திருவுருவப் படத்திற்கு புஷ்பாஞ்சலி, பூஜை, நாமஸங்கீர்த்தனம், வேத பாராயணம், பிரசாத விநியோகம் மற்றும் கைங்கர்யப் பணிகள் நடைபெறுகின்றன. “குருர் பிரஹ்மா குருர் விஷ்ணுஃ குருர்தேவோ மகேஶ்வரஃ” — என்ற உண்மையை நம் வாழ்வில் நிலைநிறுத்தி, ஶ்ரீமஹாபெரியவாவின் அருள்வழியில் தர்மம் தழைக்க, வேதம் ஓங்க, பக்தி பெருக, சேவை சிறக்க நாம் அனைவரும் ஒன்றிணைவோம். ஶ்ரீமஹாபெரியவா திருவடிகளே சரணம்! ஜய ஜய சங்கர! ஹர ஹர சங்கர!