HDPV Mandram

இந்து தர்ம பண்பாடு மற்றும் வழிபாட்டு மன்றம்.

நல்ல விதையை மண்ணில் விதைக்க வேண்டியது நம் கடமை... விதை விருட்ஷமாக .. வருவது எல்லாம் வல்ல இறைவனின் அருளே..

தமிழகம் முழுவதும் ஒவ்வொரு கிராமத்திலும் அங்குள்ள ஆலயத்தில் இந்த மன்றம் தொடங்கபடும்.. நமது இந்து தர்ம புராதணமான பண்பாடுகளையும், ஆலய வழிபாட்டுகளையும்,சாஸ்திர சம்பிரதாயங்களையும்,வாழ்வியியல் நடைமுறைகளையும், தமிழ்நூல் நல்லொழுக்கங்களையும் நம் கிராம மக்களிடம்/ குறிப்பாக குழந்தைகளிடம் கொண்டு சேர்க்கும் விதமாக இந்த மன்றம் செயல்படும்...

ஸ்ரீமஹாபெரியவா அனுக்கிரம் ஸ்ரீஜெயேந்திரபெரியவா அனுக்கிரகம் நம் ஸ்ரீஸ்ரீசங்கர விஜயேந்திர சரஸ்வதி பாலபெரியவா ஆக்னையை ஏற்று நம் நித்தியமும் கைங்கர்யத்தின் சார்பாக திருச்சியில் குருபுரம் அமைக்க இருக்கிறோம்.. அதன் முதல் தொடர்சியாக ஒவ்வொரு கிராமத்திலும் குழந்தைகளுக்கு ஆன்மிக கல்வியையும்,ஹிந்து தர்ம-அறிவியல் உண்மைகளையும், ஆலய வழிபாட்டின் முக்கியதுவத்தையும் அனைவரின் மனதிலும் புகற்றிட வேண்டும் என்ற உயர்ந்த நோக்கத்துடன் ஒவ்வொரு கிராமத்திலும் துவங்க இருக்கிறதே... "இந்து தர்ம பண்பாடு & வழிபாட்டு மன்றம்"

ஆலய வழிபாட்டு செயல்பாடுகள்
இலக்கிய & ஆன்மிக கல்வி
குழந்தைகளுக்கான பயிற்சிகள்
சமூக & வாழ்வாதார உதவிகள்
இளைஞர்களை ஆலய சேவை மற்றும் சனாதன தர்ம சேவையில் ஈடுபடுத்துதல்.

“நாம் இந்தியர்கள், நாம் இந்துக்கள்” என்ற ஒற்றுமை உணர்வை வளர்த்தல். சனாதன தர்மம், ஆலயங்கள், கலாச்சாரம் மற்றும் பாரம்பரியத்தை அடுத்த தலைமுறைக்கு பாதுகாத்து வழங்குதல். ஆச்சார்யர்கள், ஆழ்வார்கள், நாயன்மார்கள் மற்றும் முன்னோர்கள் காத்த தர்மத்தை தொடர்ச்சியாக பேணுதல். அனைவரும் இந்து தர்ம பண்பாடு & வழிபாட்டு மன்றத்தில் இணைந்து சேவை செய்ய ஊக்குவித்தல் ஆகியவையே நம் மன்றத்தின் முக்கிய நோக்கம்.

நமது பாரத தேசத்தின் தனிச்சிறப்பு அதன் தொன்மையான இந்து தர்மம், பண்பாடு, பாரம்பரியம், ஆன்மிகம் மற்றும் வழிபாட்டு முறைகளில் அடங்கியுள்ளது. காலம் மாறினாலும், நமது முன்னோர்கள் கடைப்பிடித்து வந்த நல்லொழுக்கங்கள், ஆன்மிக நெறிகள், கோயில் வழிபாட்டு முறைகள் மற்றும் பண்பாட்டு மரபுகள் தொடர்ந்து பாதுகாக்கப்பட்டு அடுத்த தலைமுறைக்கு கொண்டு செல்லப்பட வேண்டும்.

இதனை அடிப்படையாகக் கொண்டு, ஒவ்வொரு ஊரிலும் உள்ள திருக்கோயிலை மையமாகக் கொண்டு “இந்து தர்ம பண்பாடு மற்றும் வழிபாட்டு மன்றம்” அமைத்து, நமது தர்மம் மற்றும் பண்பாட்டை மக்களிடமும், குறிப்பாக குழந்தைகளிடமும் கொண்டு சேர்ப்பதே இம்மன்றத்தின் முக்கிய நோக்கமாகும்.

ஒவ்வொரு கிராமத்திலும் உள்ள திருக்கோயிலை மையமாகக் கொண்டு, அந்தந்த கோயிலின் பாரம்பரியத்திற்கு ஏற்ப வழிபாட்டு மற்றும் ஆன்மிக நிகழ்வுகள் தொடர்ந்து நடத்தப்படும்.
அவற்றில்: 1.கோயில் திருவிழாக்களைச் சிறப்பாக நடத்துதல். 2.பிரதோஷ பூஜை போன்ற சிறப்பு வழிபாடுகளை ஒருங்கிணைத்தல். 3.திருவிளக்கு பூஜை நடத்துதல். 4.திருவாசக முற்றோதல் போன்ற ஆன்மிக நிகழ்வுகளை நடத்துதல். 5.கோயிலுக்குரிய பாரம்பரிய வழிபாட்டு முறைகளைப் பாதுகாத்தல். 6.பஜனை, நாமசங்கீர்த்தனம் மற்றும் ஆன்மிக நிகழ்ச்சிகளை
நடத்துதல். 7.கோயில் திருவிழாக்கள் மற்றும் சிறப்பு நாட்களில் அன்னதானம்
செய்தல். 8.கோயில் தூய்மை மற்றும் பராமரிப்புப் பணிகளில் பக்தர்களை
ஈடுபடுத்துதல்.

சிறு வயதில் கற்ற கல்வி வாழ்நாள் முழுவதும் வழிகாட்டும்” என்பதுபோல், குழந்தைகளுக்கு இளம் வயதிலேயே நமது தர்மம் மற்றும் பண்பாடு பற்றிய அறிவை வழங்குவது மிகவும் அவசியமானது. ஒவ்வொரு மன்றத்திலும் வாரத்திற்கு மூன்று நாட்கள் அல்லது வார இறுதி நாட்களில் குழந்தைகளுக்காக ஆன்மிகக் கல்வி வகுப்புகள் நடத்தப்படலாம். இவ்வகுப்புகளில்: இறைநம்பிக்கை மற்றும் நல்லொழுக்கம். எளிய ஸ்லோகங்கள் மற்றும் ஸ்தோத்திரங்கள். வேதம் மற்றும் உபநிஷத்துகளின் அடிப்படைக் கருத்துகள். இராமாயணம், மகாபாரதம் மற்றும் புராணக் கதைகள். ஆழ்வார்கள், நாயன்மார்கள் மற்றும் மகான்களின் வரலாறு. ஆதிசங்கரர், ஸ்ரீ ராமானுஜர், மகா பெரியவர்கள் போன்ற மகான்களின் வாழ்க்கை மற்றும் உபதேசங்கள். தமிழ் இலக்கியங்களில் உள்ள அறநெறிகள். பெற்றோர், பெரியோர் மற்றும் ஆசிரியர்களை மதிக்கும் பண்பு. இயற்கை, விலங்குகள் மற்றும் சுற்றுச்சூழலைப் பாதுகாக்கும் எண்ணம். சேவை மற்றும் தர்மப் பணிகளின் முக்கியத்துவம் ஆகியவை குழந்தைகளுக்கு வயதுக்கேற்ற வகையில் எளிமையாகக் கற்றுக்கொடுக்கப்படும்.