Kalvi Kainkaryam

வித்யா / கல்வி - கைங்கர்யம்

அன்னச் சத்திரம் ஆயிரம் வைத்தல், ஆலயம் பதினாயிரம் நாட்டல், அன்னயாவினும் புண்ணியம் கோடி ஆங்கோர் ஏழைக்கு எழுத்தறிவித்தல்.” — மகாகவி பாரதியார் ஆன்மிகமும் கல்வியும் ஒன்றிணையும் போது தான் சமூகம் வளரும். சிறு வயதிலிருந்தே குழந்தைகளின் மனதில் தர்மமும், பண்பாடும், ஆஸ்திக புத்தியும் பதிய வேண்டும் என்பதே எங்கள் நோக்கம்.

ஆன்மிக கல்வியின் அவசியம்

மற்ற தேசங்களில் மதமும் கல்வியும் முரண்படாமல் வளர்ந்தன. ஆனால் நம் நாட்டில் உருவான கல்வி முறை, மத பாரம்பரியத்திலிருந்து விலகியது. இதனால் குழந்தைகள் தங்கள் சொந்த சாஸ்திரங்களோடு தொடர்பில்லாமல் வளர ஆரம்பித்தனர். சாஸ்திரங்களின் உண்மையான நோக்கம் அறியப்படாததால், அவை குறித்து தவறான எண்ணங்கள் உருவானது. சிறு வயதிலேயே ஆன்மிகத்தை “முதல் கல்வி”யாக கற்பித்தால், அந்த குழந்தைகளின் மனதில் தர்மமும், கலாச்சாரமும் என்றும் நிலைத்து நிற்கும். (தெய்வத்தின் குரல் – பாகம் 1, பக்கம் 292)

நமது வித்யா கைங்கர்யம்

கிராமப்புறங்களில் உள்ள ஏழ்மை நிலையில் வாழும் அர்ச்சகர்கள், வைதிகர்கள் மற்றும் ஆலய கைங்கர்யம் செய்யும் பக்தர்களின் குழந்தைகளுக்கு, மேலும் நித்திய பூஜை நடைபெறும் கிராமங்களில் உள்ள ஏழை மாணவர்களுக்கு வருடத்திற்கு ஒருமுறை கல்வி உதவி வழங்கி வருகிறோம். ஸ்ரீசங்கர விஜயேந்திர சரஸ்வதி பால-பெரியவா ஆக்ஞைப்படி, வேதபாடசாலைகளில் வேதமும் பள்ளிக் கல்வியும் கற்கும் மாணவர்களுக்கு பள்ளிக் கட்டண உதவி வழங்கப்படுகிறது. இதன் மூலம் குழந்தைகளின் கல்வியும், ஆன்மிக வளர்ச்சியும் ஒன்றாக மேம்படுகிறது. அவர்கள் வளர்ச்சியால் ஆலயங்களும் தர்மமும் நிலைத்திருக்கும்.

ஸ்ரீமஹாபெரியவா அனுக்கிரத்துடன், வித்யா-கல்வி கைங்கர்யத்தில் வருடம் ஒருமுறை பக்தர்கள் பங்கேற்கலாம். ஒரு குழந்தையின் கல்விக்காக நாம் செய்யும் கைங்கர்யம் — நம் சமயம், பாரம்பரியம், சமுதாயம் ஆகியவற்றுக்குச் செய்யும் கைங்கர்யமே. கல்வி கைங்கர்ய நன்கொடைக்கு 80G வரிச்சலுகை வழங்கப்படும்.

கல்வி என்பது மனித வாழ்வை உயர்த்தும் மிகப்பெரிய செல்வமாகும். அறிவும், ஒழுக்கமும், ஆன்மிகமும் இணைந்த கல்வியே ஒரு நல்ல சமுதாயத்தை உருவாக்கும். தமிழ்மூதாட்டி ஒளவையார் அருளிய “பிச்சை புகினும் கற்கை நன்றே” என்ற பொன்மொழி கல்வியின் உயர்வை உணர்த்துகிறது. பொருளாதார வசதி இல்லாததால் எந்தக் குழந்தையும் கல்வியை இழக்கக் கூடாது என்பதே எங்கள் எண்ணம். வேதம், தமிழ், அறிவியல், தொழில்நுட்பம் என எந்த மொழி, எந்தப் பாடமாக இருந்தாலும் கல்வி மனிதனை உயர்த்தும் தெய்வீகப் பாதையாகும். கல்வி வழங்குவது ஒரு உதவி அல்ல; அது தர்மத்தின் உயர்ந்த கைங்கர்யமாகும்.

வேதபாடசாலை மாணவர்கள், கிராமப்புற அர்ச்சகர்களின் குழந்தைகள், ஆலயங்களில் பணியாற்றும் குடும்பங்களின் பிள்ளைகள் மற்றும் பொருளாதார சிரமத்தில் உள்ள மாணவர்கள் கல்வியில் முன்னேற வேண்டும் என்பதே நித்தியமும் கைங்கர்யம் அமைப்பின் நோக்கமாகும். அவர்களுக்கு கல்விக் கட்டணம், புத்தகங்கள், நோட்டுப் புத்தகங்கள், சீருடை, எழுதுபொருட்கள் மற்றும் தேவையான கல்வி உதவிகளை வழங்கி, தன்னம்பிக்கையுடன் படிக்கும் சூழலை உருவாக்க முயற்சி செய்கிறோம். ஒவ்வொரு மாணவரின் கல்வி வளர்ச்சியும், நாட்டின் எதிர்கால வளர்ச்சிக்கான முதலீடு என்ற நம்பிக்கையுடன் இந்த கைங்கர்யம் தொடர்கிறது.

ஜகத்குரு ஸ்ரீமஹாபெரியவா அவர்கள், வேதக் கல்வியையும், உலகக் கல்வியையும் சமமாக மதித்து, இரண்டும் சமுதாய முன்னேற்றத்திற்கு அவசியம் என்பதை வலியுறுத்தினார். வேதபாடசாலைகள் வளர வேண்டும், மாணவர்கள் நல்லொழுக்கத்துடன் கல்வி கற்க வேண்டும், குருகுல மரபு நிலைக்க வேண்டும் என்பதே அவரது அருள்வாக்கின் சாரம். அந்த மகானின் தர்மச் சிந்தனையைப் பின்பற்றி, கல்வியால் வாழ்க்கை உயர வேண்டும், அறிவால் தர்மம் நிலைக்க வேண்டும் என்ற நோக்கத்தில் நித்தியமும் கைங்கர்யம் கல்வி உதவித் திட்டங்களை அர்ப்பணிப்புடன் செயல்படுத்தி வருகிறது.

Menu

Kalvi Kainkaryam

வித்யா / கல்வி - கைங்கர்யம்

ஆன்மிக கல்வியின் அவசியம்

நமது வித்யா கைங்கர்யம்

DECEMBER 2020

NOVEMBER 2020

OCTOBER 2020