Anatha Pretha Samsharam

அநாத ப்ரேத ஸம்ஸ்காரம்

பரோபகாரத்தைப் பற்றி லெக்சர் அடிக்க ஆரம்பித்தபோது, ‘நம் எல்லோராலும் அஸ்வமேத யாகம் பண்ணமுடியுமா?’ என்று ஒரு கேள்வி கேட்டேன். அப்புறம் ‘எதற்காக அஸ்வமேதம்?’ என்று கேட்டேன். ” ஹயமேத ஸமர்ச்சிதா” – ”அஸ்வமேதத்தால் விசேஷமாக வழிபடப்படுபவள்” என்று அம்பாளுக்கு ஒரு பெயர் இருக்கிறது. ஆனதால் அம்பிகையின் பூர்ண அநுக்ரஹத்தைப் பெறுவதற்காகவே அஸ்வமேதம் செய்யவேண்டும் என்று பதில் சொன்னேன். ஆனால் இந்தக் கலிகாலத்தில், ரொம்பவும் நியமங்கள் தேவைப்படும் அஸ்வமேதம் செய்வது அஸாத்யமாயிற்றே, இதற்கு என்ன பண்ணுவது என்று கேட்டேன்.

அநாத ப்ரேத ஸம்ஸ்காராத் அஸ்வமேத பலம் லபேத்

என்பது சாஸ்த்ர வசனம். பர-உபகாரமாக, செத்துப்போன இன்னொரு ஜீவனுக்கு இதனால் உதவி பண்ணும்போதே, நமக்குப் பாபம் வராமல், கடமையைச் செய்து, நமக்கும் உபகாரம் பண்ணிக்கொள்கிறோம்

இதர மதஸ்தர்கள் ஜெயிலிலும், ஆஸ்பத்திரியிலும், நடுத்தெருவிலும் ஸம்பவிக்கும் அநாதை மரணங்களில் ஒன்றுகூட விட்டுப்போகாமல், தங்கள் தங்கள் மதப்படி ஸம்ஸ்காரம் செய்கிறார்கள்; இப்படிப்பட்ட ஹிந்து ப்ரேதங்கள் மாத்திரம் பெரும்பாலும் ஸர்க்கார் சிப்பந்திகளாலேயே ஒருவிதமான சடங்கும் இல்லாமல் புதைக்கப்படுகின்றன’ என்கிற பாபமும், அவமானமும் நம்மைச் சேராமலிருக்க இப்போதாவது எல்லா ஊர்களிலும் தகுந்த ஏற்பாடு பண்ணியாக வேண்டும்.

நித்திய கைங்கர்யத்தின் மூலமாக

''அனாத பிரேத சம்ஸ்காரம் மகா தர்மம்'' ஶ்ரீமஹாபெரியவா அனுக்கிரஹத்துடன், நித்தியமும் கைங்கர்யம் அறக்கட்டளை அனாத பிரேத சம்ஸ்காரத்தை ஒரு பரம தர்ம கைங்கர்யமாக மேற்கொண்டு வருகிறது. ஆதரவற்ற நிலையில் உயிர் நீத்தவர்களுக்கு வைதிக முறைப்படி அந்த்யேஷ்டி சம்ஸ்காரம் செய்வது, உயிருக்கு அளிக்கப்படும் இறுதி மரியாதை மட்டுமல்ல; அது பித்ரு தர்மம், கருணா தர்மம், பகவத் சேவை என்றும் சாஸ்திரங்கள் போற்றுகின்றன. இறைவனின் திருவடியில் ஒவ்வொரு ஜீவாத்மாவும் சாந்தியடைய வேண்டும் என்பதே எங்கள் பிரார்த்தனை.

''கருணையே உயர்ந்த கைங்கர்யம்'' “தயையே தர்மத்தின் இதயம்” என்று ஶ்ரீமஹாபெரியவா அவர்கள் போதித்தார். உறவினர் யாருமின்றி உயிர் நீத்தவர்களுக்கு அனாத பிரேத சம்ஸ்காரம் செய்வது, அஹிம்சை, தயை, அனுகம்பை ஆகியவற்றின் உச்ச வெளிப்பாடாகும். நித்தியமும் கைங்கர்யம் அறக்கட்டளை, மந்திரோச்சாரணம், வைதிக கிரியைகள், அந்த்யகிரியா ஆகியவை முறையாக நடைபெற ஏற்பாடு செய்து, அந்த ஆன்மா சத்கதி அடைய இறைவனை வேண்டுகிறது.

''ஜீவாத்மாவிற்கு இறுதி மரியாதை'' ஒவ்வொரு ஜீவாத்மாவும் பரமாத்மாவின் அம்சம் என்று உபநிஷத்துகள் உணர்த்துகின்றன. எனவே, ஆதரவற்ற நிலையில் உயிர் நீத்தவர்களுக்கு அனாத பிரேத சம்ஸ்காரம் செய்வது, ஒரு மனிதநேயச் செயல் மட்டுமல்ல; அது சனாதன தர்மத்தின் உயர்ந்த மகா யஜ்ஞம் ஆகும். ஶ்ரீமஹாபெரியவா அவர்களின் அனுக்கிரஹ மார்க்கத்தில், நித்தியமும் கைங்கர்யம் இந்தப் புனித சேவையை “சர்வஜீவ கருணை” என்ற சங்கல்பத்துடன் பக்தியோடு மேற்கொண்டு வருகிறது.

''சத்கதிக்கான புனித சேவை'' சாஸ்திரங்கள் கூறும் அந்த்யேஷ்டி சம்ஸ்காரம், ஒரு ஜீவாத்மாவின் இறுதி தர்ம கடமை ஆகும். அந்த வாய்ப்பு இல்லாமல் உயிர் நீத்தவர்களுக்கு, ஶ்ரீமஹாபெரியவா அவர்களின் அனுக்கிரஹத்துடன், நித்தியமும் கைங்கர்யம் அறக்கட்டளை வைதிக முறையில் அனாத பிரேத சம்ஸ்காரத்தை செய்து வருகிறது. “சர்வே ஜனாஃ சுகினோ பவந்து” என்ற பிரார்த்தனையுடன், உயிரோடு இருப்போருக்கும், இறைவனடி சேர்ந்தோருக்கும் மரியாதை செலுத்துவதே எங்கள் பரம கைங்கர்யம் மற்றும் தர்ம சங்கல்பம் ஆகும். ॥ அந்த்யேஷ்டி சம்ஸ்காரஃ பரமோ தர்மஃ ॥ ॥ தர்மோ ரக்ஷதி ரக்ஷிதஃ ॥ ॥ லோகாஃ சமஸ்தாஃ ஸுகினோ பவந்து ॥

அநாதை ப்ரேத ஸம்ஸ்காரம் - ஸ்ரீமஹாபெரியவா அனுக்கிரக ஆசிர்வாதத்துடன் நமது நித்தியமும் கைங்கர்யத்தின் சார்பாக திருச்சியில் மட்டும் அரசு மருத்துவமனை மற்றும் காவல்துறை மூலம் வரும் (Unclaimed Bodys) அனாத பிரேதங்களை ஸ்ம்காரம் செய்து வருகிறோம்... மிகவும் வறுமையில் உள்ள குடும்பங்களில் ஸம்பவிக்கும் மரணங்களில் அவர்களது கடைசி சடங்குகள் செய்திட உதவிகள் வழங்கி வருகிறோம்.

தெய்வத்தின் குரல் Tweet