Alaya Kainkaryam

ஆலய கைங்கர்யம்

புதிய ஆலயங்களை கட்ட வேண்டாம்; ஏற்கனவே உள்ள ஆலயங்களை காப்பாற்றுங்கள்” — ஸ்ரீமஹாபெரியவா வாக்கு. பாரத தேசம் முழுவதும் அரசர்களும் முன்னோர்களும் எண்ணற்ற ஆலயங்களை கட்டியுள்ளனர். அவற்றை பாதுகாத்து நித்திய பூஜை நடைபெறச் செய்வதே நமது “நித்தியமும் கைங்கர்யம்” டிரஸ்டின் முதன்மை நோக்கம்.

நித்தியமும் கைங்கர்யம் - ஆலய கைங்கர்யம்

இன்று சிதிலமடைந்த கிடக்கும் பல ஆலயங்களுக்கு முதற்காரணம் அந்த மக்களிடம் பக்தி இல்லாமல் போனதும். அந்த ஆலயத்தை நிர்வகிக்க போதுமான நிதி ஆதாரம் இல்லாமல் போனதுமே, இதற்க்காகவே அந்த மக்களிடம் பக்தியை விதைக்க வேண்டும் என்பதே நம் ஆலய கைங்கர்யத்தின் நோக்கம்…அதற்க்காக முதலில் அங்கு உள்ள இறைவனுக்கு நித்திய பூஜைகளை துவங்குவதும் ஆலயத்திற்கு என நிதி ஆதாரத்தை ஏற்படுத்திக் கொடுப்பதும். பின்னர் வழிபாட்டு உற்சவங்கள் தொடர்ந்து செய்வதே ஆலய கைங்கரியத்தின் பிரதான நோக்கம் .

Our Recent Works

கள்ளிமேடு

சேந்தன்குடி-நகரம்

திருவிளையாட்டம்

நகரம்பட்டி

நடுகாவிரி

ஸ்ரீமஹாபெரியவா வாக்கே நமக்கு ஆக்னை

ஸ்ரீமஹாபெரியாவின் அனுஷ தினதன்று அவ்வாலயத்தில் சிறப்பு ஹோமங்கள், அபிஷேக ஆராதனைகள் நடைபெற்று அன்றிலிருந்து அவ்வாலயம் நித்திய பூஜைக்கு ஏற்பாடு செய்கிறோம்.. மேலும்ஆலயத்திற்கு தேவையான ஆலயமணி, பூஜைமணிகள், சரவிளக்கு, தீபம் என தேவையான பொருட்கள் மற்றும் நித்திய பூஜைக்கு தேவையான பொருட்கள்...அபிஷேக பொருட்கள் பாத்திரம் என அனைத்தும் வழங்குகிறோம். ஆலயத்திற்கு நித்திய பூஜைக்கு அர்ச்சகர் நியமிக்கிறோம்...அவருக்கு நம் கைங்கர்யம் சார்பாக சம்பளம் மாதம் 3000 ஒரு தொகை வழங்குகிறோம்.அந்த ஆலயத்தை நிர்வகிக்க அந்த கிராம மக்களை கொண்டு ஒரு கமிட்டி அமைக்கிறோம்...அதன் மூலம் ஒரு கூட்டு வங்கி கணக்கு துவங்கி அதில் ஆலய அர்ச்சகருக்கான சம்பளம் வழங்கி வருகிறோம்..மேலும் அவ்வாலயத்தில் ஒரு புராதண / ஆலயங்களில் ஒரு வருடத்தில் நடைபெறும் அனைத்து உற்சவங்கள் பிரதோசம், அன்னாபிஷேகம், கார்த்திகை சோமவார சங்காபிஷேகம், ஜப்பசி -அன்னாபிஷேகம் , சிவராத்திரி என அனைத்து உற்சவங்களையும் நம் நித்தியமும் கைங்கர்யம் சார்பாக ஊர் மக்களை கொண்டு செய்து வருகிறோம்.

ஆலயம் என்பது இறைவன் எழுந்தருளி அருள்பாலிக்கும் தெய்வீகத் திருத்தலமாகும். அது வழிபாட்டிற்கான இடம் மட்டுமல்ல; வேதம், ஆகமம், தர்மம், பண்பாடு மற்றும் ஆன்மிக வாழ்வின் மையமாகவும் விளங்குகிறது. காலப்போக்கில் சிதிலமடைந்த ஆலயங்களைப் பாதுகாத்து, மீண்டும் வழிபாடு நடைபெறச் செய்வது மிக உயர்ந்த புண்ணிய கைங்கர்யமாக சாஸ்திரங்கள் போற்றுகின்றன. ஆலயங்கள் செழித்தால் தர்மம் வளரும்; தர்மம் வளந்தால் சமுதாயம் வளரும். ஒவ்வொரு ஆலயமும் ஆன்மிக ஒளி பரப்பும் திருத்தலமாக விளங்க வேண்டும் என்பதே எங்கள் நோக்கமாகும். ஆலயங்களைப் பாதுகாப்பது நம் முன்னோர்கள் விட்டுச் சென்ற ஆன்மிகப் பாரம்பரியத்தை அடுத்த தலைமுறைக்கு பாதுகாப்பாக எடுத்துச் செல்லும் புனிதப் பொறுப்பாகும்.

ஆகம முறையில் புணருத்தாரணம்

சிதிலமடைந்த ஆலயங்களைப் புணருத்தாரணம் செய்வது சாஸ்திர மற்றும் ஆகம விதிமுறைகளுக்கு உட்பட்ட புனிதப் பணியாகும். எனவே சம்பந்தப்பட்ட தேவஸ்தானம், சமஸ்தானம், அறநிலையத் துறை அல்லது ஆலய நிர்வாகத்தின் அனுமதியை முறையாகப் பெற்று, திருப்பணிகள் மேற்கொள்ளப்படுகின்றன. ஆலயத்தின் மூலஸ்தானம், விமானம், மண்டபம், பிரகாரம் உள்ளிட்ட பகுதிகள் தேவைக்கேற்ப சீரமைக்கப்பட்டு, ஆகம நெறிப்படி யாகசாலை பூஜைகள் நடத்தப்பட்டு, இறுதியில் மகா கும்பாபிஷேகம் சிறப்பாக நடைபெறுகிறது. அதன்பின் நித்திய பூஜைகள் தொடர்ந்து நடைபெற தேவையான ஏற்பாடுகளையும் செய்வதே உண்மையான ஆலய கைங்கர்யத்தின் நிறைவாகும்.

உழவாரப்பணியிலிருந்து நித்திய பூஜை வரை

ஆலய கைங்கர்யத்தின் முதல் படியாக உழவாரப்பணி மேற்கொண்டு, ஆலய வளாகத்தைத் தூய்மைப்படுத்தி, பக்தர்கள் வழிபட ஏற்ற சூழலை உருவாக்குகிறோம். தொடர்ந்து ஆலயத்திற்கு தேவையான குடிநீர், மின்சார வசதி, விளக்கேற்றும் ஏற்பாடு, பூஜைப் பொருட்கள் மற்றும் நித்திய பூஜை நடைபெற தேவையான அடிப்படை வசதிகளை ஏற்படுத்துகிறோம். பல ஆண்டுகளாக பூஜை நடைபெறாமல் இருந்த ஆலயங்களில் மீண்டும் தீபம் ஏற்றி, வேத மந்திரங்கள் ஒலிக்கவும், பக்தர்கள் தரிசனம் செய்யவும் வழிவகுப்பதே இந்த கைங்கர்யத்தின் நோக்கமாகும். ஆலயத்தில் நித்ய ஆராதனை தொடர்ந்து நடைபெற வேண்டும் என்பதே எங்கள் முக்கிய சங்கல்பமாகும்.