Sri Mangalya Kainkaryam

மறுநாள் காலை பூஜையை முடித்து பெரியவாவிடம் இதை பற்றி மனதில் நினைத்து கேட்க ‘’ஸ்ரீமாங்கல்யம்’’ கொடு என மனதில் உத்தரவு.சரி பெரியவா உத்தரவு அப்படியே செய்வோம்.ஆனால் உதவி கேட்டவர் ஸ்ரீமாங்ல்யம் என கேட்கவில்லை எப்படி நாம் ஸ்ரீமாங்கல்யம் தான் தருவோம் என சொல்வது அவர் அதை ஏற்கனவே தயார் செய்து இருந்தால் நாம் எப்படி பெரியவா உத்தரவை மீறி வேறு கொடுப்பது என பல யோசனையுடன் அன்றைய பணிகளை துவங்கினோம்.உதவி கேட்டவர் மீண்டும் அழைத்தார். அவரிடம் என்ன மாதிரி தேவை இருக்கு என்ன வாங்கி இருக்கிறீர்கள் என கேட்டோம். அவர் சொன்ன முதல் வார்த்தையே ஸ்ரீமாங்கல்யம் நீங்க தருவீங்க என என் நண்பர் சொன்னார். ஸ்ரீமாங்கல்யம் கிடைத்தால் போதும் என சொல்ல ஒரு நிமிடம் எம்மையும் அறியாமல் கண்ணில் நீர் வந்து விட்டது. ஆம் இதுவரை யாருக்கும் ஸ்ரீமாங்கல்யம் கொடுக்கவில்லை பின் எப்படி அவர் நாம் ஸ்ரீமாங்கல்யம் கொடுக்கிறோம் என சொல்லி இருப்பார்.. நம்மிடம் மஹாபெரியவாவும் ஸ்ரீமாங்கல்யம் கொடு என உத்தரவிட்டு உள்ளார் அது தான் பெரியவா. இந்த உலகில் யாரெல்லாம் அவரது பாதத்தை பற்றி தன் குறையை கஷ்டத்தை சொல்லி மன்றாடுகிறார்களோ அடுத்த ஜனமே அதனை தீர்த்து நான் உன் கூட இருக்கிறேன் என கருணை செய்யும் மஹாதெய்வம். சரி ஸ்ரீமாங்கல்யம் கொடுக்க வேண்டும் அதற்கான ஏற்பாடுகளை செய்ய வேண்டுமே. அதையும் அவரே செய்வார் ஆம்! அடுத்த நாள் நம் கைங்கர்யத்தில் உள்ள பத்மினி மாமி போன் செய்தார் நம் கைங்கர்யத்திற்கு பணம் கொடுக்க வேண்டும் எப்படி அனுப்ப வேண்டும் என்றார்.