கள்ளிமேடு

“நாம் என்ன செய்ய வேண்டும்? எப்போது செய்ய வேண்டும்? எப்படி செய்ய வேண்டும்? என்பதை ஈசன் எம்பெருமானும்,ஜகத்குரு ஸ்ரீமஹாபெரியவாவும் முடிவு செய்கிறார்கள்..நாம் செய்ய வேண்டியது ஒன்றே — இறைவன் கைங்கர்யத்திற்கான முதல் அடியை எடுத்து வைப்பது!”

கள்ளிமேடு ஒரு சிறிய கிராமம்..!

கும்பகோணம், வலங்கைமான் அருகே அமைந்துள்ள சிறிய கிராமம் கள்ளிமேடு…அந்த ஊரைச் சேர்ந்த சிலர் “நித்தியமும் கைங்கர்யம்” பற்றி கேள்விப்பட்டு நம்மை அழைத்திருந்தார்கள்.

மேலபூண்டி அருகே கள்ளிமேடு கிராமம் இருந்ததால், அங்குள்ள ஆலயத்தையும் வந்து பார்க்கும்படி அழைத்தார்கள் கைங்கர்யப் பணிகளை முடித்துவிட்டு நாம் கள்ளிமேடு சென்றபோது…மாலை 4.00 மணி

🕓 நேரம்: மாலை 4.00 மணி

கிராமத்தின் நடுவே சென்று காரை நிறுத்தினோம்.
அடுத்த நொடி நாம் கண்ட காட்சி…
மனதை உலுக்கியது!

😢 மண்ணில் புதைந்திருந்த பரமேஸ்வரன்!
எல்லாம் வல்ல ஈசன்…எம்பெருமான் தெருவின் சந்திப்பில்,மண்ணில் புதைந்து இருந்தார்!
அந்தப் பரம்பொருளுக்கே இந்த நிலையா?
சொல்ல வார்த்தைகள் இல்லை.

திருவண்ணாமலை அண்ணாமலையாரைத் தரிசிக்க 10 மணி நேரம் காத்திருக்கிறோம்.ஆனால் இங்கே அதே சிவபெருமானை மண்ணில் புதைந்த நிலையில் பார்த்துக்கொண்டிருக்கிறோம்..என்ன செய்ய?
கண்ணீர் மல்க, கனத்த மனதுடன் ஈசனின் அருகே சென்றோம். அப்போது அங்கிருந்த ஒரு பெரியவர் ஓடி வந்து,“இந்த ஸ்வாமிக்கு நான் இத்தனை வருடங்களாக பூஜை செய்து வருகிறேன்” என்றார்.

நாம் அவரிடம் கேட்டோம்: “இத்தனை ஆண்டுகளாக பூஜை செய்திருக்கிறீர்கள். ஒரு நாளாவது இந்த ஸ்வாமியை மண்ணிலிருந்து வெளியே எடுக்க முயற்சி செய்தீர்களா?”
அவரிடம் பதில் இல்லை.

“ஸ்வாமி நம்மிடம் கேட்டாரா -எனக்கு ஆலயம் கட்டு, அபிஷேகம் செய், அலங்காரம் செய்; அப்போதுதான் உனக்கு அனுக்கிரகம் செய்வேன் என்று?”இல்லையே!
நாம்தான் அவரைத் திருவுருவமாக வடிக்கிறோம்.
அப்படி நாம் வழிபடும் இறைவனின் திருமேனி மண்ணில் புதைந்து கிடக்கும்போது, அதை அப்படியே விட்டுவிடலாமா?

🔱 “முதலில் நாம் முயற்சிப்போம்!”
எல்லாம் வல்ல இறைவனுக்கு எதை, எப்படி, எப்போது நடத்த வேண்டும் என்பது தெரியும்.ஆனால்…

நாம் முயற்சிக்கிறோமா?அந்த முதல் அடியை எடுத்து வைக்கிறோமா?என்பதைத்தான் அவர் பார்க்கிறார்
நாம் உண்மையான பக்தியுடன் முயற்சியைத் தொடங்கினால், அதன் பின் அவர் நடத்த வேண்டியதை அவரே நடத்துவார்!

⛏️ நேரம்: மாலை 5.00 மணி — கைங்கர்யம் தொடங்கியது!

அந்தப் பெரியவரிடம், “முதலில் நாம் முயற்சி செய்திருக்க வேண்டும். நம்மால் முடியவில்லை என்றால் அதன் பின் இறைவன் பார்த்துக்கொள்வார். எனக்கு ஒரு கடப்பாரையும் மண்வெட்டியும் தாருங்கள்!”என்றோம்.

அவர்கள் ஆச்சரியத்துடன்,“ஐயா… இப்பொழுதே செய்யலாமா?”என்றார்கள். அந்தச் சூழ்நிலையில் நாள், நேரம் பார்த்துக் கொண்டிருக்க மனம் இடம் கொடுக்கவில்லை.

“இப்போதே… இந்த நொடியே… ஈசனை மண்ணிலிருந்து மீட்டெடுக்க வேண்டும்!” என்றோம்.

கடப்பாரை வந்தது.மண்வெட்டி வந்தது.

ஶ்ரீமஹாபெரியவா விடம் பிரார்த்தனை செய்து “நித்தியமும் கைங்கர்யம்” சார்பாக முதல் மண்வெட்டு தொடங்கியது.

💪 ஒரு முயற்சி… ஊரையே ஒன்றிணைத்தது!
நாம் மண்ணை அகற்றத் தொடங்கிய சில நொடிகளில்…
அந்த ஊரின் இளைஞர்கள் ஓடி வந்தார்கள்.
“ஐயா, நீங்கள் விடுங்கள்… நாங்கள் செய்கிறோம் என்றார்கள். !”

ஒருவர் மண் வெட்டினார்.ஒருவர் மண்ணை அகற்றினார்
மற்றொருவர் தேவையான பொருட்களைக் கொண்டு வந்தார்.

சில நிமிடங்களுக்கு முன் அமைதியாக இருந்த இடம்…
ஈசனுக்கான கைங்கர்ய பூமியாக மாறியது!
இதைத்தான் நாங்கள் எப்போதும் நம்புகிறோம்:

“நாம் முதல் அடியை எடுத்து வைத்தால், அடுத்த அடியை இறைவன் நடத்துவார்!”

🚜 ஈசன் JCB-யையும் வரவழைத்தார்!
முதலில் ஆவுடையாரின் மேற்பகுதியை வெளிக்கொண்டு வந்தோம்.பணி கடினமாக இருந்தது.
ஆனால் அந்தச் சிரமத்தையும் நமக்கு தர விரும்பாதது போல…ஒரு JCB வந்தது!

அதன் உதவியுடன் பல ஆண்டுகளாக மண்ணில் புதைந்திருந்த ஈசனின் திருமேனி முழுமையாக மீட்கப்பட்டது.

🕡 நேரம்: மாலை 6.30 மணி

மண்ணிலிருந்து வெளிவந்தார் மகாதேவன்!
ஈசன் வெளியே வந்துவிட்டார்.

ஆனால் அவரை எங்கே அமர்த்துவது?

“ஈசனுக்கு உடனடியாக ஒரு மேடை அமைக்க வேண்டும்” என்று முடிவு செய்தோம்.
அடுத்த அதிசயம் ஆரம்பமானது.

ஒருவர்,“என்னிடம் செங்கல் இருக்கிறது; நான் தருகிறேன்!”என்றார்.

மற்றொருவர், “என்னிடம் சிமெண்ட் இருக்கிறது; நான் தருகிறேன்!”என்று ஓடி வந்தார்.

ஒருவர் உழைப்பைத் தந்தார். ஒருவர் பொருளைத் தந்தார்.
ஒருவர் நேரத்தைத் தந்தார்.ஊரே ஈசனின் கைங்கர்யத்தில் ஒன்றானது!

🕖 நேரம்: இரவு 7.00 மணி

கள்ளிமேடு கிராமமே திருவிழாவானது!
“ஸ்வாமியை மண்ணிலிருந்து எடுத்துவிட்டார்கள்!”
“சிவனை மேடையில் அமர்த்தப் போகிறார்கள்!”
என்ற செய்தி கிராமம் முழுவதும் பரவியது.
மக்கள் கூட்டம் அதிகரித்தது.

பள்ளியிலிருந்து வந்த சிறுவர்கள்கூட ஆர்வத்துடன் சிறு சிறு பணிகளைச் செய்யத் தொடங்கினர்.
பெரியவர்கள், இளைஞர்கள், குழந்தைகள்…
அனைவரையும் ஈசன் ஒரே இடத்தில் ஒன்று சேர்த்தார்.
மேடை அமைக்கும் பணி வேகமாக நடைபெற்றது.

🕘 நேரம்: இரவு 9.00 மணி

ஈசனுக்கான சிம்மாசனம் தயார்!
ஸ்வாமிக்கு ஏற்ற வகையில் ஒரு அழகான மேடை அமைக்கப்பட்டது.சில மணி நேரங்களுக்கு முன்பு எதுவுமே இல்லாத இடத்தில்…

ஈசனுக்கான சிமெண்ட் சிம்மாசனம் எழுந்தது!
மீண்டும் JCB வரவழைக்கப்பட்டது.
மிகுந்த கவனத்துடன் ஈசனின் திருமேனி அந்த மேடையில் அமர்த்தப்பட்டது.

🕙 நேரம்: இரவு 10.00 மணி

அந்தக் காட்சியை எப்படி விவரிப்பது?
மேடையில் கம்பீரமாக அமர்ந்திருந்த ஈசனைப் பார்த்தபோது…
ஆனந்தம்!பேரானந்தம்!

இத்தனை ஆண்டுகளாக மண்ணில் புதைந்து கிடந்தவர்…
“ஒருநாள் சங்கரன் பக்தர்கள் வருவார்கள்…
என்னை மீட்டு கைங்கர்யம் செய்வார்கள்…”

என்று காத்திருந்தாரோ?யார் அறிவார்!
ஆனால் ஒன்று மட்டும் நிச்சயம்.

இத்தனை ஆண்டுகளாக மண்ணில் இருந்த ஈசனை மீட்டு, மீண்டும் உரிய இடத்தில் அமர்த்தும் பாக்கியத்தை நம் நித்தியமும் கைங்கர்யத்திற்கு வழங்கியது அவரது அனுக்கிரகமே!

இது தனிப்பட்ட ஒருவருக்குக் கிடைத்த பாக்கியம் அல்ல.
“நித்தியமும் கைங்கர்யம்” குடும்பத்தின் ஒவ்வொரு உறுப்பினருக்கும் கிடைத்த அரும்பாக்கியம்!

🕚 நேரம்: இரவு 11.00 மணி

அபிஷேகம்… ஆராதனை… கைலாய வாத்தியம்!
மேடையில் அமர்ந்த ஈசனுக்கு உடனடியாக மின்விளக்கு வசதி ஏற்பாடு செய்யப்பட்டது.
அபிஷேகப் பொருட்கள்,மாலை,வஸ்திரம்,பூஜைக்குத் தேவையான அனைத்தும்…

“நித்தியமும் கைங்கர்யம்” சார்பாக உடனடியாக ஏற்பாடு செய்யப்பட்டது.
அன்றே…அந்த இரவே…
கைலாய வாத்தியம் முழங்க, ஈசனுக்கு அபிஷேக ஆராதனைகள் நடைபெற்றன.

சில மணி நேரங்களுக்கு முன்பு மண்ணில் புதைந்திருந்த ஈசன்… இப்போது அபிஷேகம், அலங்காரம் பெற்று அழகாக ஜொலித்தார்!

அங்கு கூடியிருந்த அனைவருக்கும் அன்னதானமும் வழங்கப்பட்டது…கள்ளிமேடு கிராமமே ஒரு திருவிழா போல மாறியது!

🔱 சனாதனம் வாழ்கிறது… கைங்கர்யத்தின் வழியாக!
சில மணி நேரங்களுக்கு முன்பு மண்ணில் புதைந்திருந்த சிவபெருமான்…

அதே இரவில் மேடை அமைக்கப்பட்டு, மின்விளக்குகள் ஒளிர, அபிஷேகம் நடைபெற்று, மக்கள் அனைவரும் ஒன்றிணைந்து வழிபடும் திருக்காட்சியாக மாறினார்.

இதுதான் சனாதனம்.அது வெறும் வார்த்தைகளில் மட்டும் இல்லை.

பக்தியில்…சேவையில்…கைங்கர்யத்தில்…
தலைமுறைகளை ஒன்றிணைக்கும் இறை உணர்வில்…
சனாதனம் என்றும் வாழ்கிறது.

“சூன்ய லிங்கஸ்ய பூஜனம் அஸ்வமேத வதம்விது”என்ற ஸ்ரீமஹாபெரியவா வாக்கிற்கு ஏற்ப,

பல ஆண்டுகளாக கவனிப்பாரற்று இருந்த ஈசனின் திருமேனியை மீட்டு, உரிய இடத்தில் அமர்த்தி, அபிஷேக ஆராதனை செய்யும் இந்தக் கைங்கர்யம்…
நித்தியமும் கைங்கர்யம் சார்பாக நிகழ்ந்த ஒரு மகத்தான சிவ கைங்கர்யம்! எல்லாம் வல்ல எம்பெருமானும், நம் ஜகத்குரு ஸ்ரீமஹாபெரியவாவும் இப்படி ஒரு வாய்ப்பை நமக்கு அளித்ததே பெரும் பாக்கியம்.

🛕 இத்துடன் கைங்கர்யம் முடியவில்லை…

இனிதான் அடுத்த பணி தொடங்குகிறது!

ஈசனை மண்ணிலிருந்து மீட்டு மேடையில் அமர்த்தியது முதல் கட்டம் மட்டுமே.அடுத்ததாக,ஈசனுக்கு பாதுகாப்பான செட் அமைத்தல்,நீர் வசதி ஏற்படுத்துதல்,தனி மின்சார வசதி செய்தல், ஹோமங்கள் நடத்துதல்,
முறையான ஆலயம் அமைத்துத் தருதல்

என அடுத்தடுத்த கைங்கர்யங்களை மேற்கொள்ள உறுதி எடுத்துள்ளோம்.

இதுவே “நித்தியமும் கைங்கர்யம்”
எத்தனை பெரிய ஆலயங்களுக்குச் சென்று கைங்கர்யம் செய்வதும் பாக்கியமே.

ஆனால்…

கவனிப்பாரற்று இருக்கும் இறைவனைத் தேடிச் சென்று,
அவருக்கான வழிபாட்டை மீட்டெடுத்து,
சிறிய கிராம மக்களுக்காக ஒரு ஆலயத்தை உருவாக்கித் தருவது…

அது நமக்குக் கிடைக்கும் மிகப்பெரிய இறை பாக்கியங்களில் ஒன்று.

ஆலயம் தேவைப்படும் இடத்தில் ஆலயம்…
அன்னம் தேவைப்படும் இடத்தில் அன்னதானம்…
திருப்பணி தேவைப்படும் இடத்தில் திருப்பணி…
இறைவன் அழைக்கும் இடமெல்லாம் கைங்கர்யம்…
இதுவே நித்தியமும் கைங்கர்யம்.

நாம் கைங்கர்யம் செய்கிறோம் என்று நினைப்பதில்லை…
அவர் நம்மை கருவியாக்கி நடத்துகிறார்.

🙏 ஸ்ரீமஹாபெரியவா அனுக்கிரகம் இந்தக் கைங்கர்யத்தில் பங்கேற்ற அனைவருக்கும்,
எல்லாம் வல்ல ஈசனின் அருளும் ஜகத்குரு ஸ்ரீமஹாபெரியவாவின் அனுக்கிரக ஆசீர்வாதமும் என்றென்றும் நிறைந்து இருக்கட்டும்.

ஜெய ஜெய சங்கர! ஹர ஹர சங்கர! ஜெய ஜெய சங்கர! ஹர ஹர சங்கர!