பாரத தேசத்தின் ஆன்மிகப் பொக்கிஷமாகவும், சனாதன தர்மத்தின் ஜீவநாடியாகவும் விளங்கியவர் ஜகத்குரு ஶ்ரீ சந்திரசேகரேந்திர சரஸ்வதி மஹாஸ்வாமிகள் – ஶ்ரீமஹாபெரியவா.

ஶ்ரீமஹாபெரியவா அருளிய உபதேசங்களும், சத்சங்கங்களும், அனுக்ரஹ பாஷணங்களும், ஆன்மிக உரைகளும் இன்று பல நூல்களாக நமக்குக் கிடைத்துள்ளன. அவற்றில் “தெய்வத்தின் குரல்” மிகச் சிறப்பும் தனிச்சிறப்பும் பெற்ற மகத்தான நூலாகும்.வேதம், உபநிஷத், ஸ்மிருதி, புராணம், இதிஹாசம், ஆகமம், தர்மசாஸ்திரம், ஆலய சம்பிரதாயம் என சனாதன தர்மத்தின் பல்வேறு பரிமாணங்களிலும் அவருக்கு ஆழ்ந்த பாண்டித்யம் இருந்தது. அதோடு தமிழ் இலக்கியம், இசை, கலை, வரலாறு, அறிவியல் மற்றும் மனித வாழ்க்கையின் பல்வேறு துறைகளையும் ஆழமாக அறிந்திருந்தார்.அவரது ஒவ்வொரு வார்த்தையும் அனுபவ ஞானம், தர்ம சிந்தனை, கருணை, வைராக்யம் ஆகியவற்றால் நிறைந்திருந்தது.“தெய்வத்தின் குரல்” போன்ற நூல்கள் வெறும் புத்தகங்கள் அல்ல; அவை நம் வாழ்விற்கு வழிகாட்டும் ஞான தீபங்கள்.ஶ்ரீமஹாபெரியவாவின் உபதேசங்களைப் படித்து, சிந்தித்து, வாழ்வில் கடைப்பிடிப்பதே அவருக்கு நாம் செலுத்தும் உண்மையான குரு கைங்கர்யம்.